Есүс Бурхан уу?

Есүс Бурхан уу?

Хаана ч очсон анхаарлын төвд орчихдог хүнийг харж байсан уу? Тийм хүмүүс ер бусын онцлог байдлаараа бусдад ондоо гэх мэдрэмжийг төрүүлдэг. Энэ нь хоёр мянган жилийн өмнөх Есүс Христэд ч хамааралтай юм. Гэвч Есүсийн үгийг сонссон хүмүүс ердийн хүнлэг чанараас гадна олон чанарт нь анхаарсан. Есүсийн үгийг сонсож амьдралыг нь харсан хүмүүс Назар хотын Есүст бусдаас өөр ямар нэг зүйл бий гэж өчихөөр болчихдог.

Есүст хүндэтгэл үзүүлэх алив мэдэл эсвэл онцлог шинж байдаг гэвэл Тэр Өөрөө юм. Ном бичсэн, цэрэг удирдсан, албан тушаалд томилогдсон эсвэл баян чинээлэг Нэгэн ч байгаагүй юм. Тосгоноос тосгонд хэдэн км зайнд алхаж явсан бөгөөд иргэд сонсож байгаа нэгэний зүрх сэтгэлийг хөдөлгөх үг болон гайхамшигийг үйлдэж байгаад нь гайхдаг байв.

Гэвч Есүсийн агуу болох нь Түүний үгийг сонсож, Түүнийг харж үзсэн хүмүүст тодоос тод үлджээ. Олон алдартнууд эцэстээ түүхийн номонд шингэн замхарсан ч Есүс одоо ч гэсэн хэдэн мянган ном, хэдэн мянган мэдээллийн хэрэгслүүдэд мэтгэлцээний төвд яригдсаар. Эдгээр мэтгэлцээнүүдийн ихэнх нь Есүс Өөрийнхөө тухай хэлсэн гэнэтийн гэрчлэл, өөрөөр хэлбэл Түүнийг дагагчид болон дэмжигчид ч алмайртал хэлэх үг төвтэйгөөр өрнөнө.

Есүсийн тухай Ром болон Иудейн эрх мэдэлтнүүд бүгд аюултай гэж хүлээж авсан нь өөр зүйл бус, Түүний гэрчлэлүүд байв. Хийсэн гавьяат үйлс юмуу улс төрийн эрх мэдэлгүй байсан авч Есүс гурван жилийн дотор цаашдын хорин зууны ертөнцийг өөрчилж орхисон юм. Мэдээж өөр ёс суртахууны ухуулагч юмуу шашны удирдагчид нөлөөлөл байсан ч Назар тосгоноос гаралтай алдар хүндгүй мужааны Хүүтэй бол харьцуулшгүй.

Есүс юугаараа өөр вэ? зүгээр л агуу гэгээнтэн байсан уу? эсвэл үүнээс ч илүү Нэгэн үү?

Энэ бол Есүсийг үнэхээр ямар хүн байсанг тодруулах гол асуултууд юм. Зарим нь Есүсийг ердөө л ёс суртахууны ухуулагч багш, эсвэл түүхэн дэх агуу шашны удирдагч байсан гэж боддог хүмүүс ч байдаг. Харин үүнээс ч илүү Нэгэн байсан гэж итгэдэг хүмүүс ч олон байгаа. Христитгэгчид Бурхан хүний биеэр Өөрөө ертөнцөд ирсэн гэж итгэдэг. Мөн үүнийг нотлох нотолгоонууд ч бий гэнэ.

Есүсийн амьдрал болон хэлсэн үгийг нь нарийвчлан судалсан нэгэн болох Кембридж Их Сургуулийн скептик профессор C. S. Луис өөрийн амьдралд асар их нөлөөлсөн гайхалтай дүгнэлтэд хүрчээ. Тэгвэл үнэхээр Есүс ямар хүн байв? Олон хүмүүс Есүс бол агуу ёс суртахууны ухуулагч байсан гэж хариулах байх. Ертөнцөд хамгийн их маргааныг дагуулсан хүнийг илүү гүнзгийн судалж үзэхийн эхний товчыг Есүс зүгээр л агуу ёс суртахууны ухуулагч багш байсан уу гэсэн асуултыг тавьж үзье.

Энд дарвал “Есүс Бурхан уу?” 10 хуудас нийтлэлийн 2-рхуудсанд очно.

Есүс Бурхан уу?

Агуу ёс суртахууны багш байсан уу?

Зарим шашнууд ч гэсэн Есүсийг агуу ёс суртахууны багш байсанг хүлээн зөвшөөрдөг. Энэтхэг улсын удирдагч Махатма Ганди Есүсийн ёс суртахуунтай амьдралтай холбоотой утга төгөлдөр үгийг хэлж өндрөөр үнэлсэн. [1]

Яг адилханаар Иудейн эрдэмтэн Иосеф Клауснер ингэж хэлжээ. “Есүс хамгийн цэвэр, цэцэн ёс суртахууныг заасныг нь хэн ч хүлээн зөвшөөрдөг ба тийм сургаал нь эртний мэргэдүүдийн тушаал, сургамж сургаалаас хол давсан зүйл юм.”[2]

Есүсийн уулан дээрх сургаал нь хувь хүний хэлсэн тунхгуудаас хүн төрөлхтний түүхэнд хамгийн шилдэг сургаал хэмээн танигдсан. Үнэндээ өнөөдрийн бидний “тэгш эрх, шударга ёс”-ийн тухай мэдэж байгаа ойлголтуудын ихэнх нь Есүсийн сургаалаас үүдэлтэй. Христчин бус түүхийн эрдэмтэн Вилл Дюрант “Есүс ‘тэгш эрх, шударга ёс’-ны төлөө амьдарч, эцэсгүй тэмцсээр ирсэн. Өнөө цагт байсан бол Сибирь уруу цөлөгдөх байсан байх. ‘Хэн та нарын дунд агуу болохыг хүснэ, тэр хүн та нарын зарц болог’ гэсэн нь ердийн мэргэн ухаан дунд, ялангуяа улс төрийн бүх үзэл суртлын тухайд орвонгоор нь эргүүлсэн санаа байсан юм” хэмээн Есүсийн тухай хэлжээ.[3]

Олон хүмүүс Гандитай адилаар Есүс хүний эрхэмлэх ёс суртахуунлаг зарчмыг заасан багш хэмээн бодож ёс суртахууны тухай Есүсийн сургаал болон өөрийнхөө сургаалыг тусгаарласан юм. Энэ нь Америкийг байгуулсан хүмүүсийн нэг Томас Жефферсон ерөнхийлөгчийн сонгосон арга буюу Шинэ Гэрээнээс Есүсийн бурханлаг шинж чанарыг дурьдсан мэт хэсгийг хасч, ёс суртахуун, ёс зүйн сургаалын хэсгийг нь үлдээж байв.[4] Тийнхүү зассан шинэ гэрээг биедээ авч явж байсан Жефферсон Есүсийг түүхэн дэх хамгийн агуу ёс зүйн багшаар хүндэтгэдэг байсан ч байж мэднэ.

Үнэндээ Америкийн тусгаар тогтнолын тунхагт Жефферсоны бичсэн тодрон харагдах өгүүлбэр нь хүмүүн л бол хэн ч бай хүйс, үндэс угсаа, нийгмийн байр сууриас хамааралгүйгээр Бурханд маш үнэ цэнэтэй гэх Есүсийн сургаал суурьтай. Тусгаар тогтнолын тунхагт ингэж бичигдсэн. “Бид бүх хүн тэгш байхаар бүтээгдсэн ба хэн ч булаашгүй эрхийг Бүтээгчээс авсаныг үнэн нь тодорхой(self-evidence) болохыг тунхаглаж байна.”

Гэвч Жефферсон нэгэн асуултанд хариулсангүй. Есүс бол Бурхан гэсэн гэрчлэл нь худал бол агуу ёс суртахууны багш байж чадахгүй юм. Харин Есүс Өөрийгөө Бурхан гэж гэрчилсэн үү? Есүсийн гэрчлэлийг судлахаас өмнө тэрээр зүгээр агуу шашны удирдагч байх боломжыг шалгах хэрэгтэй.

Энд дарвал “Есүс Бурхан уу?” 10 хуудас нийтлэлийн 3-рхуудсанд очно.